Register of the Grey Friars of London: De Ordine Sancti Francisci

[3. De Ordine Sancti Francisci.]

Nomina illorum, qui fuerunt Fratres Minores pro Fide [Christi].

Beatus frater Electus, (fn. 1) laicus, tempore beati Francisci suscepit martyrium pro [fide Christi].

Frater Octo, frater Beraldus, frater Petrus, frater Accursus, frater Adiutus: Hij 5 fratres martyrizati sunt tempore Innocencii et beati Francisci, (fn. 2) quorum meminerunt historia et legenda, [in festo] confessoris apud Marochium 17 Kal Feb., quorum vener[andas reli]quias dominus Petrus, infans Regis Portugalie, [qui fuerat] hospes predictorum fratrum a Marochia secum differens . . . celebrem passionis ordinem plenius deuulgauit. [Eorum] gesta martirii habentur in conuentu Londonie. (fn. 3)

Frater Thomas de Tholentino de Merchia, frater Jacobus de Padua, frater Demetrius de Gorgia, laycus, frater Petrus de Senis:—Hij 4 martyrizati sunt pro fide Christi in ciuitate Chana a Saracenis; quorum passionis ordinem refert frater Odoricus (fn. 4) in suo Itinerario. Passi A° dni. 1320, 9 die mensis Aprilis. (fn. 5)

Frater Petrus de Narbona, (fn. 6) frater Stephanus Cone, frater Hugonis, frater Daniel:— Hij 4 fuerunt martirizati Jerosolimis in festo sancti Martini episcopi et confessoris in Nouembre, anno Domini 1391, a Kadi legis Saracenorum, scilicet episcopo siue pontifice, vna cum consortibus Amiraldi et Soldani, in presencia Valentinorum, Agarenorum, ibi tunc existencium.

Frater Deodatus de Acquitania, (fn. 7) frater Stephanus de Senone, frater Nicholaus de Sebevico. (fn. 8) —Hij sustinuerunt martirium in Jerusalem a Saracenis, diuerso tamen tempore.

Frater Nicholaus de Marochie, (fn. 9) frater Benedictus de Regine, frater Thomas de Fulgino, laycus, frater Gregorius de Digiadra:—Hij successiue et tempore diuerso fuerunt martirisati in Boznia ab hereticis.

Frater Franciscus de Alexandria, frater Paschasius de Hispania, frater Raymundus de Prouincia, frater Laurencius de Alexandria, laycus. (fn. 10) —Hij fuerunt martirisati in Tartaria a Tartaris, diuerso tempore.

Frater Leo de Ulixbona (fn. 11) fuit martirizatus ab infidelibus in Marochio tempore sancti Antonii.

Frater Vitus (fn. 12) de Hispania fuit decolatus in Marochia a Saracenis pro fide Christi.

Frater Monaldus de Marchia (fn. 13) recepit martirium in oriente ab infidelibus.

Frater Antonius de Armenia, frater Aldrobandus de Florencia. (fn. 14) —Hij receperunt martirium pro Christo in Persia.

Frater Barnardus de Aragonia (fn. 15) recepit martirium inter Sebes.

Frater Jacobus, Custos Terre Sancte, fuit mortuus pro fide Catholica a Saracenis. (fn. 16)

Frater Stephanus, (fn. 17) Inquisitor heretice prauitatis, fuit mortuus ab hereticis pro defensione fidei in ciuitate Tholosana.

Frater Jheronianus (fn. 18) fuit martirisatus a Soldano Babilonie in Egypto.

Frater Antonius de Mediolano, (fn. 19) frater Andreas de Hungaria. (fn. 20) —Hij duo fuerunt martirizati in vicaria ab hereticis, tempore tamen diuerso.

Frater Conradus de Albis de Mediolano (fn. 21) recepit martirium a Saracenis pro fide Christi.

Frater Monaldus (fn. 22) fuit mortuus in Tartara, cuius caput fuit portatum ad ciuitatem Anchone.

Frater Ricardus (fn. 23) fuit martirizatus in Tartaria in ciuitate Armalecis.

Frater Petrus de Prouincia (fn. 24) fuit martirizatus inter Tartaros.

Frater Johannes de Monte Puliciano (fn. 25) fuit martirizatus in Babilonia Egypti.

Frater Willelmus Walden (fn. 26) de Anglia fuit martirizatus a Saracenis et combustus in Perside, ciuitate Salamasci, 5 die mensis Junii, A° dni. 1342.

Isti sunt sancti Fratres Episcopi et Confessores de Ordine [Minorum].

Almus Christi confessor Sanctus Franciscus.

Sanctus Antonius de Padua, (fn. 27) egregius et famosus predicator.

Sanctus Bonauentura (fn. 28) de Balneo Regio, doctor deuotus, generalis 8, et post cardinalis et episcopus Albanensis.

Sanctus Ludowycus, (fn. 29) filius Karoli Regis Secilie, episcopus Tholosanus, qui mortuos suscitauit, et multa alia miracula fecit.

Sanctus Bernardinus. (fn. 30)

Beatus frater Rufinus de Sciphio, (fn. 31) confessor.

Beatus frater Gerardus de Valencia, (fn. 32) qui in vita et in morte miraculis miraculabiliter claruit.

Beatus frater Walterus, (fn. 33) episcopus Pictauiensis, habuit specialem graciam curandi homines a quartana, et in morte vnum demoniacum curauit.

Beatus frater Lucius de Marchia, (fn. 34) confessor.

Beatus frater Leo, (fn. 35) archiepiscopus Mediolanensis, qui in vita claudum sanauit, et in morte cecum illuminauit.

Beatus frater Jacobus de Todio, (fn. 36) confessor.

Beatus frater Johannes de Aluernia, (fn. 37) confessor.

Beatus frater Peregrinus de Marchia, (fn. 38) confessor.

Beatus frater Willelmus de Anglia, (fn. 39) qui erat verus obediens, qui gardiano suo obediebat post mortem suam.

Beatus frater Johannes Holkote (fn. 40) de Anglia, qui in vita et in morte quamplures resuscitauit ad vitam.

Beatus frater Johannes Clotsale (fn. 41) de Anglia, qui vltra mare pro sancto habetur. Obiit 1343.

Beatus frater Gandulphus (fn. 42) de Lumbardia, qui jacet in prouincia Sicilie in matrici ecclesia terre Pollicii, miraculis clarus.

Beatus frater Jacobus de Faldrano, (fn. 43) qui jacet in loco Moliani prouincie Marchie, custodie Firmane.

Beatus frater Andreas de Vilio Campanie, (fn. 44) nepos domini Alexandri pape (fn. 45) 4^ti, reiiciens cardinalitatus honorem, remisit capellum domino pape. Hic plenus sanctitate viuens, in ordine post eius obitum vsque in presens miraculis coruscare non cessat.

[Isti] sunt Pape et Cardinales qui non fuerunt Ministri Generales.

[Beatus] Petrus de Camera (fn. 46) doctor in theologia, Parisius, de prouincia Romanie, primo episcopus No[uare], deinde archiepiscopus Mediolani, postea cardinalis et episcopus Penestrinus; tandem assu[mptus] ad apicem summi pontificatus, et dictus est Alexander 5^us.

Frater Bartrandus de Turribus, (fn. 47) doctor in theologia, de prouincia Aquitanie, fuit Cardinalis et episcopus Tusculanus tempore Johannis 22; qui postillando scripsit super epistolas et Evangelia per totum annum, et fecit librum Sermonum de Sanctis, qui vocatur Sanctorum Ber[trandi].

Frater Gerardus fuit presbiter cardinalis, tituli Apostolorum 12, et postea episcopus Sabi[nensis]. (fn. 48)

Frater Bentiuegia (fn. 49) de Tuderto, prouincie Sancti Francisci, fuit Cardinalis et episcopus Albanie.

Frater Pastor Prouincialis, (fn. 50) doctor in theologia, fuit Cardinalis titulo Sanctorum Petri et Marcellini.

Frater Jacobus Gaietanus (fn. 51) de Anagnia, nepos domini Bonifacii 8, fuit Cardinalis Sancti Clementis.

Frater Vicedomus Placentinus (fn. 52) fuit Cardinalis et episcopus Penestrinus.

Frater Vitalis de Furno, (fn. 53) doctor in theologia, de prouincia Acquitanie, fuit cardinalis et episcopus Albanensis.

Frater Helias de Nabinariis, (fn. 54) doctor in theologia, de prouincia Acquitanie, fuit Cardinalis.

Frater Bartholomeus de Cucurno (fn. 55) de Janua, doctor in theologia, fuit Cardinalis.

Frater Bartrandus, (fn. 56) Cardinalis.

Frater Helias de Siso, (fn. 57) Cardinalis.

Frater Gentilis de Monte Floris, (fn. 58) prouincie Marchie, fuit presbiter Cardinalis tituli Sancti Martini in Montibus.

Frater Petrus de Fuxo, (fn. 59) filius comitis Fuxi, doctor in theologia, prouincie Acquitanie, Cardinalis tituli Sancti Laurencii in Damasco.

Frater Petrus (fn. 60) consanguineus domini Sixti pape 4, est modo presbyter Cardinalis Sancti Sixti.

Et nota hic quod anno Domini 1325 tempore Johannis 22, anno eius 12, frater Petrus de Carnaria (fn. 61) per Ludowicum, ducem Bauarie in Imperatorem triplici corona per vim coronatum, cum Romanis electus erat in papam, et vocatus Nicholaus 5, qui statim post, sc. anno Domini 1330, resignauit papatum et factus est episcopus.

Isti sunt Pape et Cardinales, qui fuerunt Ministri Generales.

Frater Bonauentura (fn. 62) de Balneo Regio, doctor deuotus generalis 8, et postea Cardinalis et episcopus Albanensis.

Frater Jeronimus (fn. 63) de Esculo, generalis et presbiter Cardinalis tituli Sancte Potenciane, post episcopus Penestrinus, et tandem Summus Pontifex, dictus Nicholaus 4.

Frater Mattheus de Aquasparta, (fn. 64) generalis, episcopus Cardinalis Sancte Ruphine, et postea Portuensis.

Frater Johannes Murro, (fn. 65) generalis, et post Cardinalis episcopus Portuensis et Sancte Ruphine.

Frater Fortunarius Vasalli, (fn. 66) generalis, et postea Cardinalis.

Frater Gwillelmus Farinarii, (fn. 67) generalis, et post Cardinalis tituli Sanctorum Petri [et Marcellini].

Frater Marcus de Viterbio, (fn. 68) generalis 23, et postea Cardinalis.

Frater Thomas de Frigiano, (fn. 69) generalis 24, et postea patriarcha Gradensis, deinde presbiter Cardinalis tituli Sanctorum Nerei et Achillei, tandem episcopus Tusculanensis.

Frater Leonardus de Giffone, (fn. 70) generalis 25, et postea Cardinalis tituli Sancti [Sixti].

Frater Ludovicus de Veneciis, (fn. 71) generalis 26, postea Cardinalis tituli Sancti [Marci].

Frater Franciscus de Sauona de Ruere, (fn. 72) generalis 28, postea presbiter [Cardinalis] tituli Sancti Petri ad Vincula, demum inspiracione diuina assumptus est ad culmen Summi pontificatus, est dictus Sixtus 4^tus, anno Domini 1471, 9 [die Augusti].

Isti sunt Ministri Generales Ordinis Minorum. (fn. 73)

Sanctus Franciscus, ordinis fratrum minorum institutor et dux, generalis fuit minister in eodem ordine et rexit ordinem xx [annos].

In quo tempore frater Helyas de Assisio (fn. 74) fuit vicarius eiusdem s[ancti].

2^us. Frater Johannes Parens (fn. 75) de prouincia Romana fuit 2^us generalis minister, ministrauit 6 annis: et hic primus minister fuit prouincie Hyspanie.

3^us. Frater Helyas de Assisio, (fn. 76) qui scriptor fuerat Bononie, fuit 3^us generalis minister, et ministrauit 9 annis.

4^us. Frater Albertus Pisanus (fn. 77) fuit 4^us generalis, et ministrauit 3 annis, qui prius fuit minister in prouincia Anglie.

5^us. Frater Haymo de Fauersham, (fn. 78) Anglicus, fuit 5^us generalis, et ministrauit 5 annis. Hic, ex commissione domini Innocencii pape 4, totum diuinum officium cum nouis rubricis ordinauit, quod a tota Romana curia et eam sequentibus est assumptum. Hic eciam prius fuit minister in prouincia Anglie.

6^us. Frater Crescencius, (fn. 79) medicus famosus, quondam minister Verone, fuit 6 generalis; qui postea factus est episcopus ciuitatis sue, de qua oriundus erat.

7^us. Frater Johannes de Prouincia, (fn. 80) sancte memorie, magister in theologia et lector curie, de prouincia Bononie, fuit 7 generalis, et ministrauit 8 annis. Hic signis micat. Hic eciam scripsit fratri Rogero Bakon tractatum, qui incipit Innominato Magistro. (fn. 81)

8^us. Frater Bonauentura de Balneo Regio, (fn. 82) doctor in theologia, de prouincia Romana, fuit 8 generalis, et ministrauit 18 annis. Postea factus est Cardinalis primus in ordine et episcopus Albanensis. Qui sanctissime scripsit super Sentencias, et inter doctores Parisienses dicitur "Doctor mellifluus". Hic dulcissimo sermone descripsit vitam sanctissimi patris nostri Francisci, et fecit contemplatiuum tractatum de vita Christi.

9^us. Frater Jeronimus de Esculo, (fn. 83) prouincie Marchie, fuit 9 generalis, et ministrauit 6 annis; postmodum factus est presbiter Cardinalis terre sancte Potenciane. Deinde factus est episcopus Cardinalis Prenestrinus. Tandem assumptus est ad apicem summi apostolatus, et dictus est Nicholas 4 papa, in ordine minorum primus. Hic totam Greciam adduxit ad fidem et obedienciam Sancte Romane ecclesie.

10^us. Frater Bonagracia, (fn. 84) de prouincia Bononie, qui rexit 5 annis; quo mortuo, nullo trahente, maior campana diu pulsatur.

11. Frater Acholotus de Prato, (fn. 85) magister in theologia Parisius, de prouincia Tuscie, fuit 11 generalis; et ministrauit vno anno.

12. Frater Matheus de Aquasparta, (fn. 86) doctor in theologia Parisius ac lector curie tempore Martini pape 4^ti, fuit de prouincia sancti Francisci et 12 generalis, qui ministrauit 2 annis. Postea factus est Portuensis et ecclesie Rufine episcopus cardinalis.

13. Frater Raymundus Prouincialis, (fn. 87) doctor in theologia Parisius, fuit 13 generalis, et ministrauit 6 annis.

14. Frater Johannes de Murro (fn. 88) doctor in theologia Parisius, de prouincia Marchie, fuit 14 generalis, et ministrauit 7 annis. Postmodum factus est Portuensis et sancte Rufine episcopus Cardinalis. Qui tunc eciam extitit ordinis nostri protector et corrector.

15. Frater Gundisaluus Hispanus, (fn. 89) doctor in theologia Parisius, fuit 15 generalis, et ministrauit 9 annis.

16. Frater Alexander de Alexandria, (fn. 90) doctor in theologia Parisius, de prouincia Janue, fuit 16 generalis, et ministrauit uno anno tempore Clementis pape v^it.

17. Frater Michaelis de Cesena, (fn. 91) doctor in theologia Par isius, de prouincia Bononie, 17 (fn. 92) generalis, et ministrauit 12 annis.

18. Frater Geraldus Odonis, (fn. 93) doctor in theologia de prouincia Aquitanie, fuit 18 (fn. 94) generalis, et ministrauit 14 annis. Postea factus est episcopus et patriarcha Antiochenus. Hic erat generalis tempore Johannis 22, et Benedicti 12.

19. Frater Fortunarius Vasalli, (fn. 95) doctor in theolgia, de prouincia Acquitanie, fuit 19 (fn. 96) generalis, et ministrauit 5 annis. Postmodum factus est archiepiscopus et Cardinalis Rauennatis, et postea patriarcha Gradensis; et sepultus in ecclesia fratrum minorum de Padua.

20. Frater Gullielmus Farinerii, (fn. 97) siue de Cordonio, doctor in theologia, de prouincia Acquitanie, fuit 20 (fn. 98) generalis, et ministrauit 8 annis et 7 mensibus. Postea factus est presbiter Cardinalis tituli sanctorum Petri et Marcellini.

21. Frater Johannes de Bucho, (fn. 99) doctor in theologia, de prouincia Acquitanie, fuit 21 (fn. 100) generalis, et ministrauit uno anno.

22. Frater Marchus de Viterbio, (fn. 101) doctor in theologia, de prouincia Romana, fuit 22 (fn. 102) generalis, et ministrauit 6 annis. Postea factus est Cardinalis presbiter tituli sancti Praxedis.

23. Frater Thomas de Frigiano, (fn. 103) doctor in theologia, de prouincia Bon[onie] fuit 23 (fn. 104) generalis, et ministrauit 6 annis. Postea factus est patriarcha Gradensis, deinde Cardinalis tituli sanctorum Nerei et Achillei, et postea episcopus Penestrinus.

24. Frater Leonardus de Gyffone, (fn. 105) doctor in theologia de cathedra Cant . . ., de prouincia Terre Laboris, fuit 24 (fn. 106) generalis, electus Tholose, et ministrauit 6 annis. Postea factus est Cardinalis.

25. Frater Ludovicus de Veniciis, (fn. 107) doctor in theologia, fuit 25, (fn. 108) et ministrauit 3 annis. Postea factus est Cardinalis sancti Marci.

26. Frater Petrus de Canzano, (fn. 109) doctor in theologia, de prouincia Penestrine, fuit 26 (fn. 110) generalis, et ministrauit vno anno.

27. Frater Martinus de Sancto Georgio, (fn. 111) doctor in theologia, de prouincia Januensi, fuit 27 (fn. 112) generalis et ministrauit 3 annis.

28. Henricus de Ast, (fn. 113) de provincia Januensi, fuit 28 (fn. 114) generalis, et ministrauit 17 annis cum dimidio.

29. Frater Antonius de Pareto, (fn. 115) de prouincia Romana, fuit 29 (fn. 116) generalis, et ministrauit annis 17. (fn. 117)

[32]. (fn. 118) Frater Angelus de Senis, (fn. 119) doctor in theologia, de prouincia Tuscie, fuit [32] generalis, et ministrauit annis 2.

[33]. Frater Antonius de Massa, (fn. 120) doctor in theologia, de prouincia Tuscie, fuit [33] generalis, et ministrauit annis 6. Qui postea factus est episcopus Massanus.

[34]. Frater Willelmus de Casale, (fn. 121) doctor in theologia, de prouincia Januensi, fuit [34] generalis, et ministrauit annis . . .

[35]. Frater Antonius de Rusconibus, (fn. 122) de Cumis, doctor in theologia.

[36]. Frater Angelus de Peruso, (fn. 123) doctor in theologia.

[37]. Frater Jacobus de Mosonica, (fn. 124) doctor in theologia.

[38]. Frater Jacobus de Sarsuelis, (fn. 125) doctor in theologia.

[39]. Frater Franciscus de Sauonia, (fn. 126) doctor in theologia famosissimus, primo minister Janue, deinde generalis, postea presbiter Cardinalis tituli sancti Petri ad Vincula; deinde vero summus pontifex dictus Sixtus 4^us.

[40]. Frater Zaneto de Ulmo, (fn. 127) doctor theologie.

[41]. Frater Franciscus de Sanson. (fn. 128)

[42]. Frater Egidius Delphin. (fn. 129)

[43]. Frater Raynaldus Gracianus. (fn. 130)

Isti fuerunt Ministri Provinciales [in Anglia]

1. Frater An[gnellus Pisanus]. (fn. 131)

2. Frater Albertus Pisanus, (fn. 132) qui postea fuit generalis 4. Obiit [Rome].

3. Frater Haymo de Fauersham, (fn. 133) Anglicus, qui eciam postea f[uit generalis].

4. Frater Willelmus de Notyngham, (fn. 134) vir Dei sanctissimus. Obiit [Janue].

5. Frater Petrus de Tewkysbery, (fn. 135) qui prius fuit minister Alemanie, [deinde] Anglie, jacet Bedford.

6. Frater Johannes Stamford, (fn. 136) jacet Linne.

7. Frater Petrus Swenfeld, (fn. 137) jacet Leycester.

8. Frater Thomas Bongeye, (fn. 138) doctor Oxonie, jacet Norhamton.

9. Frater Johannes Peccham, (fn. 139) doctor Parisius, et resumpsit Oxonie, (fn. 140) lector Curie, et post Archiepiscopus Cant., jacet inter monachos.

10. Frater Hugo de Bathonia, (fn. 141) confirmatus, set mortuus ante receptionem.

11. Frater Robertus de Cruce, (fn. 142) doctor Oxonie, jacet Brigewalter.

12. Frater Willelmus Geynysborugh, (fn. 143) doctor Oxonie, et postea [factus] est episcopus Wygornie. Jacet apud Beluacum.

14. Frater Rogerus Merston, (fn. 144) doctor Oxonie, jacet Norwici.

15. Frater Hugo de Hertylpol, (fn. 145) doctor Oxonie, jacet inter fratres Assisii. (fn. 146)

15. Frater Adam de Lincolnia, (fn. 147) doctor Oxonie, jacet Lyncolnie; qui fecit mirabilia. . . .

16. Frater Ricardus Conyngton, (fn. 148) docto[r] Oxonie, jacet Cantebrigie.

17. Frater Willelmus Notyngham, (fn. 149) docto[r] Oxonie, qui fecit solemnem postillam super unum ex 4^or; jacet Leycestrie.

18. Frater Rogerus de Denemed, (fn. 150) doctor Cantebrigie, jacet Sarum.

19. Frater Johannes Rodyngton, (fn. 151) doctor Oxonie, vir sanctissimus, jacet Bedfordie.

20. Frater Johannes Went, (fn. 152) doctor Oxonie, qui fecit miracula in vita, jacet Herfordie.

21. Frater Willelmus Tychemersch, (fn. 153) doctor Cantebrigie, jacet Bedfordie.

22. Frater Rogerus Conway, (fn. 154) doctor Oxonie, jacet Londonie. Hic strenuus defendebat ordinem in Curia contra Armachanum.

23. Frater Symon Tunstede, (fn. 155) doctor Oxonie, jacet apud Bruszerd. (fn. 156)

24. Frater Robertus de Wysete, (fn. 157) docto[r] Oxonie, jacet Londonie.

25. Frater Johannes Mardeslay, (fn. 158) doctor Oxonie, jacet Ebor.

26. Frater Thomas Kyngesbery, (fn. 159) docto[r] Oxonie, jacet Notyngham.

27. Frater Johannes Tyssyngton, (fn. 160) doctor Oxonie, jacet Londonie.

28. Frater Nicholaus Fakenham, (fn. 161) doctor Oxonie, jacet Colcestrie.

29. Frater Johannes Souche, (fn. 162) doctor Cantebrigie, qui postea fuit episcopus Landauensis, jacet Kerdiuie.

30. Frater Willelmus Butler, (fn. 163) doctor Oxonie, jacet. . . .

31. Frater Vincencius Boys, (fn. 164) doctor Oxonie, jacet. . . .

32. Frater Petrus Russell, (fn. 165) doctor Oxonie, jacet. . . .

33. Frater Robertus Wellys, (fn. 166) doctor Oxonie, hic electus et confirmatus, (fn. 167) mortuus ante recepcionem, obiit in Francia.

34. Frater Johannes David, (fn. 168) doctor Cantebrigie, jacet Kerdivie.

35. Frater Rogerus Donwe, (fn. 169) doctor Oxonie, jacet apud Ware.

36. Frater Ricardus Leke, (fn. 170) doctor Oxonie, jacet Lychefeld.

37. Frater Thomas Radnor, (fn. 171) doctor Oxonie, jacet Radingie.

38. Frater Willelmus Goddard, (fn. 172) senior, doctor Oxonie disertissimus, jacet Londonie.

39. Frater Johannes Perseualle, (fn. 173) doctor Oxonie, jacet Londonie. (fn. 174)

40. Frater Henricus Standych, (fn. 175) doctor Oxonie, qui postea fuit episcopus Assauensis.

41. Frater Ricardus Bryngkeley, (fn. 176) doctor Cantabrigie, jacet ibidem.

Nomina illorum qui fuerunt Fratres Minores, quondam Reg[es] terreni in seculo habitu sunt.

Frater Johannes, (fn. 177) quondam Rex et imperator Constantinopolitanus.

Frater Johannes, (fn. 178) quondam Rex et imperator Tartarorum

Frater Johannes, (fn. 179) quondam Rex Armenie; frater Henricus, (fn. 180) quondam Rex Ciprie; frater Antonius, quondam Rex Castellie; de quibus habetur in chronicis fratris Ricardi de Dunelmo, (fn. 181) lib. viij., c. 9.

Frater Johannes, (fn. 182) Rex Jherosolimorum. De quo in chronicis predictis lib. vii. c. 4.

Frater Rex saxonie. Frater Alphurnus, Rex Arragonie. Frater Alphonsus, Rex Beluarie. (fn. 183) De quibus in eisdem chronicis.

Frater Jacobus, frater Alphonsus, Reges Aragonie. (fn. 184)

Frater Fernandus, (fn. 185) frater Sanccius, (fn. 186) Reges Castellie.

Frater Robertus, (fn. 187) quondam Rex Sicilie.

Frater Fredericus, (fn. 188) quondam Rex Trinacrie vel Sicilie.

Frater Petrus, frater Alphonsus, frater Ferrardus, quondam Reges Portugalie. (fn. 189)

Frater Ludowicus, quondam Rex Neapoli.

Frater Robertus, (fn. 190) Rex Neapoli, per tres dies ante mortem fecit professionem.

Frater Johannes, (fn. 191) Rex Armenie, dimisso regno nepoti suo, effectus est frater minor, et postmodum a Saracenis occesus est.

Dux Alzacie (fn. 192) in Saxonia effectus est frater minor, sacerdos et professus, qui jacet in conuentu Kilensi custodie Bremensis. Hic dux intrauit ordinem minorum eum duobus aliis militibus.

Item precedente tempore, diuersorum regum filii ordinem minorum intrauerunt. Inter quos erat vnus frater Ludowicus, (fn. 193) nunc Sanctus et canonizatus, filius Caroli Regis Sicilie, et heres regni illius, postmodum episcopus Tholosanus; cuius frater Robertus minor eo patri suo successit in regno. Mater vero eorum fuit domina Maria, filia Regis Hungarie. Alius eciam erat filius et heres Regis (fn. 194) Maioricarum, (fn. 195) qui ordinem minorum eciam intrauit. Alius erat frater Philippus, filius Regis Hungarie, qui A° dni. 1285 apud Neapolim in Natali domini cum magnis solempniis intrauit ordinem fratrum minorum. Nam dominus Robertus predictus, germanus Sancti Ludowici episcopi, qui tunc erat Rex Sicilie, predicauit in missa, et vxor sua domina Sanxia, (fn. 196) soror predicti Philippi, in prandio personaliter ministrauit. Item circa tempus 2^e pestilencie Petrus infans, dux nobilis et gloriosus de stirpe regali Regis Castelli, duas habens filias Reginas venerabiles, [mun]do renuncians et pompis eius, ordinis Sancti Francisci assumpsit habitum, quam puplice d[]bus annis, et tandem in curia Romana mortuus est et venerabiliter sepultus.

Isti sunt persone quedam valentes in seculo qui intrauerunt ordinem fratrum minorum in Anglia.

In primis Frater et dominus Robertus de Insula, Baro de Lyle, (fn. 197) intrauit ordinem Londonie, et ibidem Sacerdos et professus obiit 4 die mensis Januarii, A° dni. 1343.

Frater et dominus Robertus filius Walteri, (fn. 198) Baro, fundator conuentus Colcestrie, intrauit ibidem ordinem A° dni. 1325.

Frater Robertus Hylton, (fn. 199) Baro de Hylton, indutus erat in conuentu de Brygenorth in custodia Wigornensi, et sepultus est coram altari virginis ex parte australi ecclesie.

Frater Robertus Lamborne, (fn. 200) filius vnius baronis, et vltimus heres illius baronie, intrauit ordinem Londonie, qui postea fuit confessor domine Regine Isabelle.

Frater Johannes Yatmestre, (fn. 201) miles famosus in seculo, intrauit Londonie.

Frater Willelmus Scharshille, (fn. 202) quondam Justiciarius Regis Edwardi 3, distractis omnibus temporalibus, intrauit ordinem cum honore magno Oxonie.

Frater et dominus Rogerus Bourne, miles, sepultus in habitu fratrum minorum, Norwici, 1334.

Frater Robertus Nigram, quondam miles, intrauit ordinem, et obiit Notynghamie, 1347.

Frater Matheus Gayton, valens armiger, venditis terris suis, factus est frater minor.

Frater Johannes Stapilton, (fn. 203) heres magnarum opum et domini, spretis vxore et hereditate, factus est frater minor.

Frater Radulphus de Maydyngston (fn. 204) fuit ante introitum ordinis Episcopus Herfordensis, qui intrauit ordinem A° dni. 1239.

Frater Johannes de Redyng (fn. 205) fuit ante introitum ordinis Abbas de Oseneye.

Frater Adam de Marisco, (fn. 206) doctor Oxonie, ante ingressum ordinis. . . .

Frater Alexander Hales, (fn. 207) nacione Anglicus, doctor, Cancellarius et Archidiaconus Parisiensis, relicta pompa secularis conuersacionis, habitum fratrum minorum A° dni. 1228, in quo virgo et doctor irrefragabilis 17 annis superuixit. Et A° domini 1245 Parisius obiit circa festum Assumpcionis. In cuius sepultura Odo, legatus domini pape, missam celebrauit cum assistencia multorum venerabilium prelatorum veniencium de consilio domini pape. Hoc in laudem eius refert Magister Johannes de Garlandia in libro De Ministeriis Ecclesie, (fn. 208) qui incipit "Anglia quo fulcet," etc., in fine libri.

Frater Radulphus de Corbruges, (fn. 209) qui fuerat doctor Parisius et legit Ex[] nouicius; intrauit enim Parisius ordinem, tunc actu Regens in theologia.

Frater Hugo Wylluby, (fn. 210) Cancellarius et doctor Oxonie, ac Cano[nicus] Ebor. ecclesie.

Frater Oliuerus Stanwey, doctor utriusque juris et Cancellarius C[antabrigie].

Frater Johannes Wales, (fn. 211) doctor theologie, qui fuit bacholarius in theologia Oxonie.

Frater Reginaldus Lambourne, (fn. 212) postea bachillarius in theologia de Collegio de M[erton], postea in ordine sancti Benedicti doctoratus, ordinem beati Francisci Oxonie [intrauit], et obiit Northamton.

Frater Johannes de Wynchelsey, (fn. 213) doctor theologie, ac Canonicus Sarum, ibidem intrauit ordinem set obiit Nouicius.

Frater Johannes de Insula, juris ciuilis professor, et quondam decanus de Boket. . . .

Frater Eustacius de Normanvyle, (fn. 214) qui fuerat multum nobilis ac diues, qui fuerat Magister Arcium ac decretorum et Cancellarius Oxonie.

De 2° ordine sancti Francisci.

[Sanct]a Clara, (fn. 215) que in vita et in morte miraculis mirabiliter claruit.

[Be]ata Agnes, (fn. 216) soror Sancte Clare.

[Be]ata Ortulana, mater earundem.

[Be]eata Magdalena, soror Ordinis Sancte Clare, in prouincia Argentine . . . ate Freburgh iuxta Basileam per 6 miliaria.

De 3° ordine sancti Francisci.

Sancta Elizabeth, (fn. 217) filia Regis Hungarie et comitissa Turingie

Sancta Brigida, (fn. 218) principissa Norcie, et filia Regis Suecie.

Sancta Elhwida in prouincia Saxonie.

Sancta Rosa, (fn. 219) que jacet Viterbii.

Sanctus Elzearus, (fn. 220) comes Alzacie.

Sanctus Ludowicus 8^us, (fn. 221) Rex Francie.