An assault on a friar at Royston, 1394

II. An Assault on a Friar at Royston. 20 May, 1394.

This comes from Early Chancery Proceedings, 7/262. Friar Geoffrey Torre is known only from this reference to him. The Guardian was probably Robert Hyndon, but it is unfortunate that his name is not given.

Tres reuerent pier en Dieu lercheuesqe Deuerwyke et Chaunceller nostre Seignur le Roy, suppliount le Gardeyn et Geffray Torre son confrere del Couent des freres Menours de Loundres, qe par la ou le dit Geffray fuist a Royston en la Counte de Hertforde la viendrount un John Bradele, John Clerke, John Alayn the Webberysson of Claueryng, altres oue eux a graunt nombre disconnuz, ouesque espees, bokelers, et daggers, le xx iour du Maii, lan le Roy qor est xvij° a Royston susdit, et al dit Geffray illoqes assaut firount, luy baterount, naufrerount et malement treterunt, issuit qil fuist en despoir de sa vie, et xx s. en or et argent dez biens lez ditz Gardeyn et Couent esteant en la garde un John Othe seruant a dit Geffray, illoqes prestrount et enporterount, et vncore le dit Geffray manassent de iour en altre de vie et de membre, issuit qil nosa aproscher le Counte susdit pur doute de mort, a tort et as damages des ditz Gardeyn et Geffray de xl li. Qe plese a vostre tres graciouse seignurie graunter certeyns brefs directes a lez persones susditz destre deuaunt vous en lour propre persone en la Chauncellerie nostre dit Seignur le Roy a les eoptas (fn. 1) de la Trinite proschein auener, chescun de eux sur peyne de c. li., a respondre as ditz Gardeyn et Geffray de lez tortes et extorcions auauntditz, pur l'amour de Dieu et en couere de charite.