Appendix: Lease of Bridgehouse rents

III. LEASE OF BRIDGEHOUSE RENTS.

2nd July, 1397.

As explained on pp. 32–33 above, the Friars leased the greater part of their Newgate Street frontage to the City by two sets of deeds executed in 1368 and 1397–1398. In the Register (pp. 171–76 above) there are English versions of two deeds; the first dated 1st March, 1368, relating to the Rents on the south side of the Church; the second, dated 1st March, 1398, relating to the Rents extending westwards from the south-west buttress of the Church. Mr. Shepherd printed the French original of the first from the Patent Roll of 42 Edward III.; of the original of the second he could give only a Latin abstract from the Patent Roll of 20 Richard II. (Archæological Journal, lix., pp. 262–266). For some reason which does not appear the deed of 1st March, 1398, was a repetition of an earlier deed of 2nd July, 1397. In the meantime John Bruyll had replaced Robert Hynton as Guardian; it is possible that the change may have made the execution of a fresh deed desirable. The deed of 2nd July, 1397, was entered in LetterBook H. at the Guildhall, from which it is here printed in full. Except for the change in the names of the Guardian and Mayor the terms of the two deeds are identical; but the English version taken by itself is not free from obscurity; its understanding will be made easier by comparison with the French original here given.

Ceste endenteur faite parentre Adam Bamme Meir de la Citee de Loundres, Aldermans, et Commune de mesme la citee dune part, et frere Robert Hynton Gardein des Freres menours en Loundres et le couent de mesme le lieu dautre part: tesmoigne que les ditz frere Robert et couent par grante et volunte notre seignur le Roy et par lassent de ministre prouincial de lour ordre en Engleterre out lessez as ditz Meir, Aldermans, et Commune, a eux et lour successours as touts iours, une porcione de terre de West partie de lour Eglise al oeps reparaillement et sustenaunce du pount de Loundres: pur edifier la dite place, la quele place sestient de la Southwestboteras del Eglise des auauntditz Freres lynealment tanque al porte de mesmes les Freres quele sort de novel edefiee vers le West, la longe de quele porcione de terre contint quatre vintz et quinze pees et deux pouces de mesure; et en layeur al dit Southwestboteras vers lest sept pees et quatre pouces, et al Westbout ioust la dite porte en layeure sept pees et noef pouces de mesure. Reserve as ditz Freres et a lour successours ioust le dist Southwestboteras a tous iours une alee de deux pees en layeure ovesque un huys, quel alee estindra tanque a un autre alee de mesme layeure ioust lauauntdit Eglise estendant tanque al porche del Eglise susdit. Les quex alees e huys ferount faitz as oustages des ditz Meir, Aldermans, et Commune. Et les queux alees serount edifiez paramount al pleiser des auauntditz Mair, Aldermans, et Commune, issint que la lumere qorest del fenestre vers le South del Eglise des auauntditz Freres ne soit estoppee ne en nulle manere ameunsee ne emperree. Et les ditz Meir, Aldermans, et Commune voullount et grauntount que si ascun peril en temps avenir aveigne as ditz Eglise et boteras que ben lice as ditz Freres et a lour successours pur tous iours a tous temps que bensoigne soit lour ditz boteras et Eglise reparailler et amender, nyent contresteount les edifiements queux serount faits ioust les boteras et Eglise susditz, issint que les ditz mesones ioust les ditz Eglise et boteras serount reparailles as oustages des ditz Freres en auxi bon estat come ferrount devaunt et as si hastement come ils bonement purront. Et la dite porcion de terre serra edifiee en manere qensuyt: cestassavoir que les auauntditz Mair, Aldermans, et Commune ferrount un mur de peire saunz ascun fenestre ou lumere estendaunt en longueur de lest vers le West parmy la porcion de terre susdit, le quel mur leuera en hautesse paramount la terre qore est ioust le dit mur dedeins vnze pees dassise. Sur quel mur serrount edifiee la hautesse de trois solers ovesque getteyes gettant outre la Cimitere des ditz Freres vers le North. Des queux le gettee del primer soler sestendra outre le dit mur deux pees et demy dassise, et le gettee del seconde soler a taunt, et le gettee del tierce soler serra dun pee et demy. Et touts les murs des toutes les ditz solers vers le dit Cimitere serrount faits des tyeles de Flaundres en sufficeant manere come le mur dun mayson des ditz Freres illoques vers le North est fait: issint que nulle fenestre ne pertui ne serra point fait en les avauntditz murs vers le dit Cimitere plus baas que sys pees dassise paramount chescoun flour des solers avauntditz, mes ben lice al ditz Meir, Aldermans, et Commune en les murs des solers susditz vers le dit Cimitere pardessus la hautesse des avauntditz sys pees a taunt des fenestres come lour plerra: issint que nulle fenestre ne passera la layeur sept pouces, les queux fenestres serrount couenablement barrets oue fer et vitrees. Et auxint les avauntditz Meir, Aldermans, et Commune voullount et grauntount pour eux et lour successours, que nul tenaunt demeura en les Rentes queux serrount illoques edifietz sil ne soit obligee et sermontee as Gardeyns du Pount de Loundres, queux serrount pour le temps, quils ne faitent nulles fenestres ne pertuis en les ditz murs de lauauntdit Cimitere countre la forme et ordinaunce susditz sur peyne de doubler son Rente a chescoun terme al Chambre de Gyldhall de Loundres; et en oultre les avauntditz Meir, Aldermans, et Commune grauntount as ditz Freres et a lour successours a tous iours vne porcion de terre del haute Ruwe al Westbout del place avauntdit, sur quele les ditz Freres purrount edifier lour porte owelment accordaunt vers le haute Ruwe a les edifiements queux serrount illoeques edifiets pur les ditz Meir, Aldermans, et Commune oue a taunt de longeur et layeure par la dite porte come illoeques est ordeignes et deuises: et vne autre porcione de terre ioust le haute Ruwe al Southwest partie del dit Esglise parentre les Rentes ou illoeques esteaunts vers lest et les Rentes queux serrount illoeques edifiets vers le West, sur quele les mesmes Freres purront edifier lour porche owelment accordaunt a les Rentes susditz vers le South, oue a taunt de longeur et layeur come enbusoignera par la porche avauntdit. En tesmoignante de quele chose a ycestes faits endentes si bien les dits Meir, Aldermans, et Commune come les dits Freres entrechaungeablement ount mys lours communes sealx. Done a Londres le vint seconde iour du moys de Jul lan du Regne le Roy Richard secounde puis le conqueste quinzisme. (fn. 1)